باز ڪارو

ڪارو باز Booted eagle / Hieraatus pennatus /
باز ڪارو
هن جنس جا نر ماد به ھڪجهڙا ڏسبا آهن. مادي جسامت ۾ نر کان وڏي هوندي آهي ۽ حياتيءَ جي مختلف مرحلن ۾ رنگ جا ٻه مرحلا ايندا اٿس، ھڪ مرحلي ۾ رنگ گهرو ٿيندو اٿس، جنهن ۾ بت تي ناسي ڪارا لينگها ٿينس ٿا، پڇ ڊگهو ڪارو ۽ پڇ تي هڪ افقي پٽو هوندو اٿس، جنهن جي پڇڙي پيلي يا هلڪي ٿئي ٿي. پٺي ناسي جي هوندي اٿس، جسم ۽ اندريان پَر، پرن جون پويون ڪناريون ڪاريون اٿس. هلڪي رنگ جي مرحلي ۾ هلڪي هيڊي کان ناسي ڳاڙهي رنگ تائين ٿئي ٿو، جنهن ۾ ڪارا لينگها هوندا اٿس، پيٽ ميرانجهڙو اڇو ٿئيس ٿو. ان مرحلي ۾ مٿين پاسي جسم ۽ اندريان پَـر ميرانجهڙا اڇا، پرن جا ٻاهريان ۽ پويان کنڀ ڪارا ٿين ٿا. پڇ جي چوٽي ويڪري ۽ ڪاري ٿئيس ٿي. ڪارو باز ماحول : 3 ۾ رھندو آھي.